O ATENEO

Cando o ano 1952 está esgotando os seus días, un grupo de intelectuais e profesionais marinenses xúntanse o 22 de novembro, día de Santa Cecilia (Patroa dos músicos), e acordan crear unha nova asociación.

O fin da asociación, ademais de dar acubillo as manifestacións musicais, era a difusión e promoción da cultura en cada unha das súas vertentes artísticas, intelectuais, patrimoniais, conservación das tradicións, e máis formar as novas xeracións de marinenses en disciplinas coma a música, o debuxo a pintura entre outros. Das aulas do Ateneo saíron grandes artistas e profesionais que acadaron gran sona e prestixio.

Cumprindo máis de sete décadas coma un referente cultural non só de Marín, senón máis aló das nosas fronteiras, o Ateneo Santa Cecilia é testemuña do paso polas súas instalacións dos/as máis prestixiosos/as intelectuais, pensadores/as, escritores/as, artistas e músicos, que ofreceron as súas mellores obras,  achegándonos ós temas máis interesantes ou de actualidade.